الرئيسية
من طرف تدابير صنع المربى في المنزل
قبل ما نعمل المربيات فيه كم نصيحة لازم تعرفيهاعلشان تظبط المربى وتطلع حلوة...
السكر والفواكه
لازم يكون السكر اللي بالمربى نقي خالي من شوائب، و كمان الفواكه تكون طازجة.
إناء الطهي
حاولي إنك تستعملي إناء مستدير سميك من الجوانب.
للتقليب :
لا تستعملي معلقة معدنية للتقليب وحاولي إنك تستبدليها بمعلقة خشب.
على نار هادية
لازم تذوبي السكر على نار هادئة وتحاولي إنه يدوب على الآخر ..
لابد من اضافة عصير الليمون إليه علشان المربى .. علشان لايكون السكر بالمربى زائد .
أول بأول
احرصي وإنت بتقلبي المربى إنك تشيلي الفقعات المغلية أول بأول علشان المربى يكون لونها رايق وصافي.
العلب:
بالنسبة للعلب اللي هتملي فيه المربى لازم يكون نظييف وجاف تماما من المياه هو والملعقة اللي هتستخدميها علشان المربى لا تخرب وتعفن.
أحكمي الغلق :
زي ما بيكتبوا على علب المربات لازم تملي العلبة على الآخر علشان لا يكون فيه حيز يسمح بدخول الهواء، لازم تقفلي الغطاء تمام .
اختبار نضج المربى :
علشان تعرفي إذا كانت المربى استوت ولا لأ؟ فيه حاجة ممكن تعمليها وهي إنك تاخدي معلقة من المربى وتحطيها على طبق جاف وتسيبيها شوية لغاية ما تبرد. وبعد كده تشوفي إذا كانت سميكة ولا لأ.
في التلاجة
بعد ما تبرد المربى عبيها في علب زي ما اتفقنا واحتفظي بيها في الثلاجة.
